Owganystanyň hökümeti Transowgan demirýol taslamasyny işläp düzmek işiniň tamamlanandygyny mälim etdi
– Owganystanyň hökümeti bahasy 5 milliard dollarlyk Transowgan demirýol taslamasyny işläp düzmek işiniň tamamlanandygyny mälim etdi – diýip, Tolo News teleýaýlymy, Owganystanyň demirýol müdirligine salgylanmak bilen habar berýär.
Maglumata görä, taslama Günorta Aziýany Owganystanyň üsti bilen Merkezi Aziýa bilen birleşdirmek maksady bilen işlenip düzüldi, ugurlary kesgitlemek boýunça işler tamamlandy. Müdirligiň berýän maglumatlaryna görä, häzirki wagtda Özbegistan we Pakistan bilen taslamany durmuşa geçirmek boýunça gepleşikler alnyp barylýar. Şeýle-de halkara guramalaryň maliýe goldawyna garaşylýandygy barada aýdylýar.
“Häzirki ýagdaýda hökümet taslamany durmuşa geçirmek üçin serişde berip bilmez. Öň hem aýdyşym ýaly, hemra suratlary we wizual gözlegler ýaly köp serişde talap etmeýän ilkinji ädimler ädilip bilner, ýöne şondan soň degişli guramalaryň taslamany maliýeleşdirmegine we oňa maýa goýumlaryny goýmagyna umyt baglaýarys" – diýip, Owganystanyň demirýol müdirliginiň ýolbaşçysy Baht Rahman Şarafat aýtdy.
ORIENT news
Photo by raillynews.com
