UzA: Özbegistanda geçip barýan ýylyň jemlerini jemlediler
Özbegistan dünýä syýasatynyň merkezleriniň birine öwrülýär. Bu barada ýurduň Prezidenti Şawkat Mirziýoýew Oliý Mejlise we ýurduň halkyna iberen ýüzlenmesinde beýan etdi – diýip, UzA maglumatlar agentligi habar berýär.
Özbegistanda ŞHG-nyň we Türki döwletleriň guramasynyň sammitleri, şeýle hem ýokary derejedäki onlarça halkara maslahatlar geçirildi, bu bolsa ýurduň dünýä ýüzündäki ýokary abraýyna şaýatlyk edýär.
Geçip barýan ýylyň esasy görkezijileri hakynda aýtmak bilen, Prezident ýurduň içerki jemi önüminiň ilkinji gezek 80 mlrd dollardan geçendigini belläp geçdi. ykdysadyýete 8 mlrd dollarlyk göni daşary ýurt maýa goýumy çekildi, eksportyň möçberi 19 mlrd ýetdi.
Şu ýyl ilkinji gezek pensiýalaryň we durmuş üpjünçilik tölegleriniň mukdary iň az sarp ediş derejesinden pes bolmakdyk derejä galdyryldy. — Şunuň ýaly ýokary görkezijiler bizde entäk bolmandy, - diýip, Şawkat Mirziýoýew nygtady.
Ol şeýle hem Täze Özbegistany gurmagyň wezipelerine gabat geljek, gelejekki nesillere hyzmat etjek döwrebap Konstitusiýany işläp düzmegiň zerurdygyny hem belledi. Indiki ýyl üçin meýilnamalar we maksatnamalar kesgitlenende garaşsyzlyk döwrüniň gazananlaryny berkitmekde, iň möhüm ugurlaryň ösdürilmegine aýratyn üns beriljekdigi bellenildi.
Şeýle hem öz ýüzlenmesinde döwlet baştutany indiki ýyly adam hakynda alada we ýokary hilli bilim Ýyly diýip atlandyrmagy teklip etdi.
ORIENT habarlar
Surat: pulse.mail.ru
