Alymlar ilkinji gezek iki sany tutuşlygyna diýen ýaly suw bilen gurşalan planetalary açdylar
Kanadanyň Monreal uniwersitetiniň astronomlary Kepler-138 gyzyl karligiň töwereginde “suw dünýäleri” bolan iki sany planetanyň aýlanýandygyny subut etdiler. Alymlaryň makalasy “Nature Astronomy” žurnalynda çap edildi.
Alymlar NASA-nyň Hubble we Spitzer älem teleskoplarynyň kömegi bilen Kepler-138c we Kepler-138d ekzoplanetalaryň tranzitini synladylar we ýerden birnäçe esse uly bolan bu asman jisimleriniň doly suw bilen gurşalandygyny ýüze çykardylar.
Suw göni ýüze çykarylmady, ýöne hasaplamalar ekzoplanetalaryň göwrüminiň ep-esli böleginiň uçýan jisimlerden ybaratdygyny, olaryň bolsa wodoroddan ýa-da geliýden agyrdygyny görkezdi.
Kepler-138c we Kepler-138d ýyldyzlarynyň goýy dykyz gurşawy bolup, ol suw buguna baýdyr we çuňlugy iki müň kilometr bolan suwuk suwly mantiýa ummany bar. Planetalaryň merkezinde silikatyň we demiriň ýerdäki ýaly gatnaşygy bolan ýadrosy ýerleşýär.
Kepler-138 ulgamy Günden 217 ýagtylyk ýyly uzaklykda ýerleşýär we 3 planetadan ybarat, ýöne alymlar dördünji planetanyň alamatlaryny ýüze çykardylar – ol Kepler 138e, onda hem suwuň bolmagy ähtimaldyr.
ORIENT habarlar
Surat: universemagazine.com
