«Galkynyş» iri gaz ýatagynda 4,5 km çuňlukdan tebigy gazyň täze akymy alyndy
“Galkynyş” atly ägirt uly gaz ýatagyndaky eýýäm ulanyşa girizilen 60-njy guýynyň 4580 metr çuňlugyndan tebigy gazyň täze senagat akymy alyndy – diýip, “Türkmenistan” gazeti habar berýär.
Ortaça alnanda gaz guýularynyň çuňlugy 0,5-den 1 km çenlidir, şol sebäpli ulanyşa girizilen guýyny çuň guýularyň hataryna goşmak bolýar.
Burawlaýyş işleriniň esasy kärendeçisi bolup gaz ýatagynyň çäginde aýratyn çylşyrymly nebit-gaz işleri bilen meşgullanýan “Türkmengaz” döwlet konserni we “Türkmenýöritegaznebitgurnama” tresti çykyş edýär.
Işläp çykarma “Türkmengaz” bilen Hytaýyň CNPC Milli nebit-gaz korporasiýasynyň arasynda 2021-nji ýylyň awgustynda baglaşylan şertnamanyň esasynda amala aşyrylýar. Golaýda 309-njy guýy işe girizildi, 294-nji we 30-njy guýulardan bolsa gaz almak boýunça işler işjeň alnyp barylýar.
ORIENT habarlar
Surat: sng.today
