Özbegistan ýeriň çuň gatlaryndan gaz çykaryp başlar
Bu barada Özbegistan Respublikasynyň Prezidenti Şawkat Mirziýoýew parlamente we ýurduň halkyna iberen ýüzlenmesinde beýan etdi – diýip, Uza.uz. saýty habar berýär.
“Täze tehnologiýalary girizmek bilen biz ilkinji gezek gazy çuň gatlaklardan gazyp almak işine başlaýarys (6 km-den ýokary)” – diýip, döwlet baştutany aýtdy.
Şu maksat bilen ýurtda geologiýa gözleg işleriniň 10-ýyllyk maksatnamasy kabul ediler. Hususan-da. Üstýurt platosynda çuň gatlaklarda gözleg-agtaryş ilerini geçirmek üçin uly daşary ýurt maýa goýumlary çekiler.
Şeýle hem Oliý Mejlisiň kanun çykaryjy palatasynyň mejlisinde Özbegistanyň 2023-nji ýyl üçin döwlet býujetine garaldy. Respublikanyň maliýe ministri Timur Işmetowyň habar bermegine görä, hökümet býujetiň 50%-ni durmuş ugruna gönükdirer.
Çaklamalara görä, 2023-nji ýylda döwlet býujetiniň çykdajylary 257,7 trillion sum bolar, olardan 130 trillion durmuş ugruna gönükdiriler. Durmuş goraglylyga we pes girdejili maşgalalary goldamaga ep-esli mukdarda serişde bölüp bermek meýilleşdirilýär.
Özbegistanyň saglygy goraýyş ulgamyna 28 trillion sumdan gowrak serişde bölünip berler, ol onkologik kömegi kämilleşdirmek, 905 müň çaga sanjym geçirmek, ilatyň saglygyny goramak we COVID-19 garşy göreşmek ýaly lukmançylyk çärelerini öz içine alar.
ORIENT habarar
Surat: uza.uz
