Tahyr Ataýewiň orkestri Täze ýylyň öňüsyrasyndaky konserte çagyrýar
30-njy dekabrda Magtymguly adyndaky Milli sazly-drama teatrynda Tahyr Ataýewiň orkestriniň “Ёлки.FM” atly täze ýylyň öňüsyrasyndaky konserti bolar.
Agşamyň myhmanlaryna sowet kinofilmlerinden meşhur sazlar, dürli döwürleriň kompozitorlary tarapyndan baýramçylyk üçin ýazylan roždestwo eserleri garaşýar.
Jorj Maýklyň we ABBA toparynyň repertuaryndan täze ýyl kompozisiýalary hem konsertiň maksatnamasyna goşuldy, olaryň hatarynda Last Christmas, Happy New Year we ş.m. bar. Bu aýdym-sazlar diňleýjileri baýramçylygyň öň ýanynda juda islenilýän täze ýylyň ertekä meňzeş, enaýy gudraty bilen gurşap alar. Sahnada şeýle hem saz söýüjileriň ruhuňy göteriji gural diýip atlandyrýan saksafonda ýerine ýetirilýän mukamlar ýaňlanar.
Baýramçylyk aýdym-saz çäresini guraýjylaryň habar bermeklerine görä, geçen ýyl täze ýylyň öňüsyrasyndaky konsertde anşlag bolupdy. Bu ýyl hem sungat ussatlary haýsy eserleri ýerine ýetirenlerinde, öz muşdaklaryny begendirip biljekdiklerini bilýärler. Konsert sagat 18:00-da başlanýar.
Biletleri sargyt etmek üçin şu telefon belgilerine jaň edip bilersiňiz: +993 (62) 53-28-71; 55-90-15.
ORIENT habarlar
Surat: ok.ru
