Ýaponiýa Merkezi Aziýadan has köp işçileri çekmek isleýär – Japan news
Ýaponiýanyň hökümeti “hünärli işçiler ýörite maksatnamasynyň” hasabyna Merkezi Aziýa ýurtlaryndan köpsanly daşary ýurtly işçileri çekmegi maksat edinýär, munuň özi daşary ýurtly raýatlara fiziki zähmet bilen baglanyşykly işleri ýerine ýetirmäge mümkinçilik berýär. Bu barada ýekşenbe güni Japan news ýazýar.
Daşary işler ministri Haýasi Ýosimasanyň bu syýasat barada 24-nji dekabrda Tokioda geçiriljek Ýaponiýanyň we Merkezi Aziýa ýurtlarynyň bäşisiniň daşary işler ministrleriniň duşuşygynda yglan etmegine garaşylýar diýip, neşir ýazýar.
Çeşmäniň maglumatlaryna görä, Haýasi Ýaponiýanyň “adamlara maýa goýmaga” we “ösüşiň hiline” ähmiýet bermek bilen, Merkezi Aziýanyň durnukly ösüşine ýardam berjekdigini beýan eder.
2019-njy ýylda Ýaponiýa adam serişdeleri babatda Özbegistan bilen hyzmatdaşlyk etmek hakynda ähtnama gol çekdi hem-de MA sebitiniň beýleki dört ýurdy bilen şeýle resminamalary baglaşmagyň mümkinçiligini ara alyp maslahatlaşmagy meýilleşdirýär.
Şenbe güni duşuşygyň barşynda Haýasi, şeýle hem Ýaponiýanyň MA-nyň bäş ýurdunyň eksport bazarlaryny diwersifikasiýalaşdyrmaga ýardam bermäge hem-de uglerodsyzlandyrmak tehnologiýalaryny işläp taýýarlamakda hyzmatdaşlyk etmäge taýýardygyny yglan eder diýlip, Japan newsiň habarynda aýdylýar.
ORIENT news
