Türkmenistan, Azerbaýjan we Türkiýe türkmen gazyny Ýewropa ibermek boýunça sammit geçirerler
Türkmenistanyň, Azerbaýjanyň we Türkiýäniň Prezidentleri türkmen gazyny Ýewropanyň bazaryna ibermek boýunça ýene-de bir üçtaraplaýyn sammit geçirerler – diýip, Türkiýäniň döwlet baştutany Rejep Taýyp Ärdogan Türkiýäniň ýaşlary bilen Mardin şäherinde geçiren duşuşygynda aýtdy.
«Bu işleriň yzyndan, biz üç döwletiň baştutany hökmünde täze duşuşyk geçireris we ýol kartasynyň nähili boljakdygy barada karar kabul ederis diýip umyt edýärin. Tebigy gazyň Türkmenistandan biziň ýurdumyza, aýratyn-da, Azerbaýjanyň üsti bilen iberilmegi biziň tagallalarymyzy ýeňilleşdirer» - diýip, Türkmenbaşyda geçen birinji sammitiň jemleri barada gürrüň bermek bilen, Türkiýäniň baştutany belledi.
Şeýle hem Türkiýäniň Prezidenti bu meseläniň üç ýurduň liderleriniň arasynda geçen gepleşiklerde hem ara alnyp maslahatlaşylandygyny nygtady:
«Biz şeýle ädimiň mümkinçiligi baradaky meseläni üç ýurt bolup maslahatlaşdyk. Olar: «Näme üçin bolmaly däl» diýdiler. Hem-de degişli görkezmeleri berdiler. Türkiýäniň energetika ministrine onuň iş topary bilen birlikde Azerbaýjandaky we Türkmenistandaky kärdeşleri bilen deslapky işleri geçirmek boýunça tabşyryk berildi».
Ärdogan türkmen gazynyň Azerbaýjanyň çäginiň üsti bilen iberilmegi respublikanyň Türkiýäniň çäginde gaz habyny döretmek pikiriniň durmuşa geçirilmegine tarap gönükdiriler - diýip, ol öz çykyşynda belledi.
ORIENT habarlar
Surat: Twitter
