Türkmenistan-Azerbaýjan-Türkiýe bilelikdäki ulag geçelgesi “Gündogar-Günbatar” ugry boýunça ýolda köpri bolar
Türkmenistanyň Prezidenti Serdar Berdimuhamedow "Türkmenistan-Azerbaýjan-Türkiýe" täze ulag geçelgesini we bu täze ugur boýunça ýük gatnawyny utgaşdyrmak we optimallaşdyrmak üçin bitewi logistika merkezini döretmegi teklip etdi. Türkmenistan bu meselelere üçtaraplaýyn gatnaşyklary ösdürmek babatda garamagy teklip edýär.
–Bu teklip üç döwletiň baştutanlarynyň 14-nji dekabrda Hazar deňziniň kenaryndaky Awaza milli syýahatçylyk zolagynda geçirilen duşuşygynda öňe sürüldi – diýip, resmi türkmen metbugaty habar berýär. Mowzugy dowam etdirmek bilen, Serdar Berdimuhamedow Gündogar-Günbatar ugry boýunça ygtybarly ulag köprüsini döretmek işinde Türkmenistanyň, Azerbaýjanyň we Türkiýäniň öňdebaryjy rol oýnajakdygyny aýtdy. Bilelikdäki tagallalar taraplara beýleki halkara hyzmatdaşlar we esasy maýadarlar bilen ylalaşyk gazanmaga mümkinçilik berer.
Şonuň bilen birlikde, häzirki wagtda eýýäm bu ýurtlaryň üsti bilen ulag geçelgesi işleýär. Oňa "lapis lazuli" diýilýär we ol Türkmenistanyň Owganystan bilen serhedinden Azerbaýjanyň we Gruziýanyň çäginden Türkiýä uzaýar.
Orient news
