Moskwada GDA ýurtlarynyň parlamentara hyzmatdaşlygyna bagyşlanan maslahat geçirildi
Çarşenbe güni Moskwada "GDA ýurtlarynyň parlamentara hyzmatdaşlygynda syýasy partiýalaryň fraksiýalarynyň we bloklaryň özara gatnaşyklarynyň orny" atly III Halkara maslahaty geçirildi.
–Foruma Abhaziýanyň, Azerbaýjanyň, Ermenistanyň, Belarussiýanyň, Gazagystanyň, Gyrgyzystanyň, Moldawiýanyň, Pridnestrowýäniň, Täjigistanyň, Türkmenistanyň, Özbegistanyň, Günorta Osetiýanyň parlamentleriniň wekilleri, şeýle hem Döwlet Dumasynyň syýasy partiýalarynyň ähli fraksiýalarynyň ýolbaşçylary we deputatlary gatnaşdylar – diýip, Russiýa Federasiýasynyň Döwlet Dumasynyň metbugat gullugy habar berdi.
Arkalaşygyň ýurtlarynyň mejlis agzalary bilen ilkinji iki duşuşyk 2018-nji we 2019-njy ýyllarda Döwlet Dumasynda geçirildi. Delegatlar GDA ýurtlarynyň parlamentara hyzmatdaşlygynda syýasy partiýalaryň we bloklaryň özara gatnaşyklaryny we parlament wekilleriniň yzygiderli duşuşyklaryny geçirmek mümkinçiligini ara alyp maslahatlaşýarlar.
ORIENT news
