TDHÇMB-da söwdalar: TС-1 uçar kerosini uly islege eýe boldy
13-nji we 14-nji dekabrda döwlet haryt-çig mal biržasyndaky söwdalarda TС-1 uçar kerosini uly islegden peýdalandy – diýip, ORIENT-iň habarçysy habar berýär.
Sişenbe güni Maltadan, Birleşen Arap Emirliklerinden, Wirgin adalaryndan we Owganystandan gelen işewürler bu önümiň 24,1 müň tonnasyny satyn aldylar. Ýangyjyň her tonnasyna $810,50 baha berdiler. Şol gün geleşikleriň jemi bahasy $19,5 mln dollara barabar boldy.
Çarşenbe güni ТС-1 uçar kerosiniň bahasy 5,3% artdy we onuň tonnasy $873,75 deň boldy. Ony Türkiýäniň we Özbegistanyň wekilleri satyn aldylar. Önümiň 6 müň tonnasy alyjylara $5,1 mln amerikan dollaryna düşdi.
Şeýle hem şol gün Türkiýeden gelen işewürler 264 müň kg nah ýüplügini $712,8 dollara satyn aldylar.
Içerki bazarda ýerli telekeçiler 5 müň tonna ýanan nebit koksyny 70,5 mln türkmen manadyna satyn aldylar. Bir türkmen telekeçisi 15 müň P4-D2 kysymly plastik astlyklary almak üçin geleşik baglaşdy.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
Surat: redaksiýanyň arhiwinden
