Aşgabatda ýoga boýunça seminar geçiriler
Dekabr 16, 2022 | 18:20 |8442
24-nji dekabrda Aşgabatda gadymy türgenleşik däbi bilen meşgullanmaga başlaýanlar üçin ýoga boýunça seminar geçiriler – diýip, Hindistanyň Türkmenistandaky ilçihanasy habar berýär.
Sapaklar Hindistandan gelen bilermen Nilama Watsa tarapyndan tälim bermek bilen sagat 8.00-dan 9.00 çenli geçiriler.
Giriş mugt. Gelýänlerden diňe ruhy türgenleşigi özleşdirmäge bolan ägirt uly isleg we ýanynda gerekli esbabyň – ýoga halyjygynyň bolmagy talap edilýär.
Ýoga sapaklary adamyň bedeniniň ýaşaýyşyny üpjün edýän ähli süňňüne oňyn täsir edýär. Ýoga bilen hemişelik meşgullanýanlaryň ählisi bedeniň güýçli we çeýe bolýandygyny, aň-paýhasyň durgunlaşýandygyny, ähli pikirleriň bolsa ýerbe-ýer bolýandygyny belläp geçýärler.
ORIENT habarlar
Surat: pinterest.com
