Türkmenistanyň we Türkiýäniň döwlet Baştutanlary hyzmatdaşlygyň ileri tutulýan ugurlaryny ara alyp maslahatlaşdylar
Türkmenistanyň Prezidenti Serdar Berdimuhamedow bilen Türkiýäniň Prezidenti Rejep Taýyp Ärdoganyňararsynda şu gün «Türkmenistan-Azerbaýjan-Türkiýe» üçtaraplaýyn sammitiniň öňüsyrasynda ikitaraplaýyn duşuşyk geçirildi. Bu barada TDH agentligi habar berýär.
Döwlet Baştutanlary söwda dolanyşygy we maýa goýumlary boýunça öňdebaryjy orny eýeleýän Türkiýe Respublikasynyň Türkmenistanyň uzak möhletli we ygtybarly hyzmatdaşydygyny belläp, ýurtlaryň arasyndaky ykdysady ugurdaky hyzmatdaşlyga aýratyn üns berdiler.
Türkmenistanyň we Türkiýäniň ýolbaşçylary ýangyç-energiýa toplumyny we ulag we aragatnaşyk pudagyny ikitaraplaýyn hyzmatdaşlygyň iň möhüm ugurlary hökmünde kesgitlediler.
Söhbetdeşler Hökümetara toparynyň we Işewürlergeňeşiniň ähli mümkinçiliklerini işewür gatnaşyklary berkitmek we täze bilelikdäki iri taslamalary durmuşa geçirmek üçin esasy gural hökmünde ulanmagyň zerurdygyny nygtadylar.
ORIENT news
Surat: tccb.gov.tr
