Belgiýanyň «Diplomatic world» žurnaly Türkmenistan barada maglumatlary çap eder
Türkmenistanyň maliýe we ykdysadyýet toplumynyň binasynda Maliýe we ykdysadyýet ministri Muhammetgeldi Serdarow bilen Belgiýanyň «Diplomatic world» žurnalynyň esaslandyryjysy we prezidenti Barbara Ditrih we neşiriň taslamasynyňmenejeri Alberto Turkstra bilen duşuşyk geçirildi.
Türkmenistanyň Belgiýadaky ilçisi Sapar Pälwanowyň we Türkmenistanyň Maliýe we ykdysadyýet ministrliginiň hünärmenleriniň gatnaşmagynda geçirilen duşuşykda taraplar iki taraplaýyn hyzmatdaşlygyň geljegini ara alyp maslahatlaşdylar.
«Diplomatic world» žurnaly — Ýewropanyň ýokary wezipeli adamlary üçin niýetlenen diplomatik we ykdysady neşir bolup, ol 21 ýyl bäri neşir edilýär.
Žurnal öz sahypalarynda döwletleriň ykdysady ösüşini, dürli ugurlarda gazananlaryny öz içine alýar. Şunuň bilen baglylykda, Barbara Ditrih neşiriň okyjylaryny Merkezi Aziýanyň ýurtlarynyň, şol sanda Türkmenistanyň ykdysady kuwwaty barada ýewropaly diňleýjileri tanyşdyrmak maksady bilen, neşir taýýarlamaga gyzyklanma bildirýändiklerini mälim etdi.
Türkmen tarapy hem öz gezeginde neşiriň ýolbaşçylary bilen ýurduň durmuş-ykdysady ösüşi, ykdysadyýetiň dürli pudaklaryny ösdürmek üçin görülýän çäreler we döwlet býujetiniň syýasaty bilen baglanyşykly iň täze maglumatlary paýlaşdy.
Parahat MERETLIÝEW
Surat Türkmenistanyň Maliýe we Ykdysadyýet ministrligi tarapyndan berildi
