Serdar Berdimuhamedow ýurdumyzyň nebitgazsenagatynyň işgärlerini hünär baýramçylygy bilen gutlady
Türkmenistanyň Prezidenti Serdar Berdimuhamedow ýurdumyzyň nebitgaz toplumynyň zähmetkeşlerini we geologiýa pudagynyň işgärlerini hünär baýramçylygy — Türkmenistanyň nebitgaz senagaty we geologiýa işgärleriniň güni bilen gutlady. Gutlaglar şu gün resmi türkmen metbugaty tarapyndan çap edildi.
Döwlet Baştutany gutlagynda Türkmenistan üçin nebit-gaz pudagynyň ösüşiniň möhümdigini belläp, bupudagyň diwersifikasiýa edilmeginiň, şeýle hem täze döwrebap önümçilik desgalarynyň döredilmegi arkaly infrastrukturasynyň döwrebaplaşdyrylmagynyň ileri tutulýandygyny nygtady.
Şeýle hem täze uglewodorod ýataklaryny öwrenmäge, olary çuňňur burawlamaga we guýulary ösdürmäge, halkara ülňülerine laýyk gelýän täze önümleriň öndürilmegine we özara bähbitli hyzmatdaşlyk üçin daşary ýurtly hyzmatdaşlar bilen aragatnaşygy ösdürmäge uly üns berilýär.
Prezident Serdar Berdimuhamedow özüniň gutlaghatynda: «Türkmenistan tarapyndan gurulýan gaz geçirijileri sebitdäki parahatçylygy berkitmäge, ykdysady hyzmatdaşlygy ýokarlandyrmaga, müňlerçe täze iş ýerlerini döretmäge, ösen senagat goldaw ulgamlaryny döretmäge ýardam berer» — diýip,belledi.
Nebitgaz senagaty we geologiýa pudagynyň işgärleriniň baýramy Türkmenistanda 2010-njy ýyldan bäri her ýylyň 14-nji dekabrynda bellenilip geçilýär. Baýramyň senesi tötänleýin saýlanmady — şol gün 2009-njy ýylyň 14-nji dekabrynda ýokary kuwwatly gaz geçiriji bolan Türkmenistan-Hytaý gaz geçirijisi işe girizilipdi.
ORIENT news
Surat: redaksiýanyň arhiwinden
