Türkmenistanyň, Türkiýäniň we Azerbaýjanyň döwlet Baştutanlarynyň sammitiniň öňüsyrasynda Awazada ikitaraplaýyn duşuşyklar geçirildi
Türkmenistanyň, Türkiýäniň we Azerbaýjanyň döwlet Baştutanlarynyň sammitiniň öňüsyrasynda Awazada ikitaraplaýyn duşuşyklar geçirildi
Hazar deňziniň türkmen kenarynda ýerleşýän «Awaza» milli syýahatçylyk zolagynda ilkinji üçtaraplaýyn sammitiň öňüsyrasynda Türkmenistanyň, Türkiýäniň we Azerbaýjanyň Daşary işler ministrlikleriniň, Energiýa we ulag ministrlikleriniň ýolbaşçylarynyň arasynda duşuşyklar geçirildi. Gepleşiklere gatnaşyjylar bu barada jemgyýetçilik ulgamlarynda habar berýärler.
«Ýakynda geçiriljek sammitde sebitiň energiýa, ykdysadyýet, aragatnaşyk, söwda, gümrük we beýleki ugurlardaky hyzmatdaşlyga has-da itergi berjek täsirli ädimlere gadam basylar» — diýip, Türkiýäniň Daşary işler ministri Mewlüt Çawuşogly üç ýurduň daşary işler ministrleriniň ýygnagynda belledi
Soňra bolsa Awazada Türkiýäniň Daşary işler ministrliginiň baştutany bilen Türkmenistanyň Daşary işler ministri Raşid Meredowyň arasynda ikitaraplaýyn duşuşyk geçirildi. Gepleşikleriň dowamynda taraplar ulag, energetika we harby-senagat toplumy boýunça iki ýurduň arasyndaky hyzmatdaşlygyň mundan beýläkki ösüşini ara alyp maslahatlaşdylar
«Biz, ulag we logistika pudagyndaky hyzmatdaşlygymyzy ösdürýäris we gatnaşyklarymyzy has-da pugtalandyrýarys» — diýip, Türkiýäniň Ulagwe infrastruktura ministri Adil Karaismailoglu Türkmenistanyň Ministrler Kabinetiniň ýanyndaky Ulag we kommunikasiýalar agentliginiň baş direktoryMämmethan Çakyýew we Azerbaýjanyň Sanly ösüş we ulag ministri Raşad Nabiýew bilen geçirilen duşuşygyndan soň özüniň Twitter hasabynda ýazdy
ORIENT news
Surat: twitter.com / @AzerbaijanMFA
