Wengriýa azerbaýjan energiýasyny sarp edijileriň hataryna goşular
Wengriýanyň premýer-ministri Wiktor Orban 17-nji dekabrda Rumyniýanyň Buharest şäherinde Azerbaýjanyň elektrik energiýasyny sarp edijileriň ulgamyna goşulmak hakyndaky ylalaşyga gol çekmegi meýilleşdirýär – diýip, About Hungary habar berýär.
Elektrik energiýasy bilen üpjün etmek Gruziýanyň we Rumyniýanyň çäkleri arkaly amala aşyrylar, olaryň özi hem elektrik energiýasyndan peýdalanmak hem-de onuň üstüni doldurmak üçin şol ulgamdan peýdalanyp bilerler. Elektrik energiýa geçirijisi Gara deňziň düýbünden çekiler.
Wengriýanyň daşary işler we söwda ministri Peter Siýýartonyň mälim etmegine görä, Wengriýa bu taslama energiýa çökgünçiliginiň dowam edýän döwründe goşular we şol bir wagtyň özünde Ýewropa Birleşigi tarapyndan zerur bolan maliýe serişdelerini alar.
Azerbaýjandan Ýewropa tarap täze energiýa geçirijisiniň çekilmegi ýewropa bazaryny energiýa gorlary bilen üpjün edilmegini diwersifikasiýalaşdyrmak baradaky meýilnamalaryna gabat gelýär, şeýle hem alternatiw üpjün edijiler üçin köp şahaly azerbaýjan infrastrukturasyna birikmek üçin mümkinçilikleriň goşmaça penjiresini açýar, olaryň biriniň Türkmenistan bolmagy has ähtimaldyr.
Wengriýa türk dünýäsi bilen ýakyn aragatnaşykdadyr – Türkmenistan bilen bir hatarda bu ýurt Türki döwletleriň guramasyna synçy agza bolup durýar.
ORIENT news
Surat: yandex
