Türkmenistan Duşenbedäki Halkara kitap sergisine gatnaşýar
Türkmenistanyň kitap önümleri Duşanbe şäherinde açylan «Kitap Duşanbe-2022» atly 10-njy Halkara kitap sergisine gatnaşýar, oňa şeýle hem Russiýadan, Eýrandan, Türkiýeden, Özbegistandan we beýleki ýurtlardan milli we halkara neşirýatlar gatnaşýarlar – diýip, Türkmenistanyň Täjigistandaky ilçihanasyny ORIENT-e habar berdi.
Türkmenistanyň diplomatik wekilhanasy sergide milli äheňde bezelen kitap diwarlygyny döretdi. Ekspozisiýada çeper edebiýatlar, ylmy-köpçülikleýin eserler we kitaplar, şeýle hem beýleki neşir önümleri görkezilýär.
Sergä gatnaşyjylara Türkmenistanyň Mejlisiniň Milli geňeşiniň başlygy Gurbanguly Berdimuhamedowyň daşary ýurt dillerine terjime edilen, baý türkmen medeniýeti we taryhy barada gürrüň berýän kitaplary we döwürleýin neşirler görkezilýär.
Şeýle hem «Kitap Duşanbe-2022» atly 10-njy Halkara sergisiniň çäklerinde maslahatlar we seminarlar geçirilýär.
ORIENT news
Surat: Türkmenistanyň Täjigistandaky Ilçihanasy
