Türkmenistan we Eýran hökümetara gatnaşyklaryny giňeltmek barada ylalaşdylar
Türkmenistan we Eýran hökümetara gatnaşyklaryny has-da giňeltmek, şeýle hem nebit-gaz pudagy, elektrik energiýasy pudagy, suw gurşawy we ekologiýa meselelerinde hyzmatdaşlygy ösdürmegiň ýollaryny tapmak barada ylalaşdylar.
Bu barada Türkmenistanyň Daşary işler ministrliginiň resmi web saýty «Dialog — parahatçylygyň kepilligi» atly halkara maslahatynyň çäklerinde Türkmenistanyň Daşary işler ministri Raşid Meredow bilen Eýranyň Daşary işler ministriniň orunbasary Reza Najafiniň arasynda geçirilen gepleşiklerden soň habar berýär.
Diplomatlar söwda, ykdysady, medeni we ynsanperwer ugurlarda, şeýle hem suw baýlyklaryndan bilelikde peýdalanmakda türkmen-eýran hyzmatdaşlygyny has-da pugtalandyrmak isleýändiklerini beýan etdiler.
Duşuşygyň dowamynda Raşid Meredow Eýran tarapyna ýurduň Ulag we şähergurluşyk ministri Rostam Gaseminiň aradan çykmagyna gynanç bildirdi we onuň ikitaraplaýyn hyzmatdaşlygyň ösdürilmegine uly goşant goşandygyny belläp geçdi.
ORIENT news
Redaksiýanyň suraty
