Türkmenistan gender zorlugyna garşy göreşmek boýunça milli ulgamy döretmek tejribesini öwrenýär
BMGÖM-nyň we BMG-niň Ilat gaznasynyň edaralary tarapyndan Aşgabatda gurnalan duşuşykda Türkmenistanyň jemgyýetçilik guramalarynyň, degişli ministrlikleriniň we edaralarynyň wekilleri ýurtda zenan maşgalalara ulanylýan zorluga garşy göreşmek boýunça milli ulgamyň döredilmeginiň meseleleriniara alyp maslahatlaşdylar.
Bu maslahat «Gender zorlugyna garşy 16 işjeň gün»atly halkara maksatnamasynyň çäklerinde geçirildi. Bu barada BMGÖM-nyň Türkmenistandaky edarasynyň metbugat beýanatynda habar berilýär.
Türkmenistanyň Döwlet, hukuk we demokratiýa institutynyň Halkara gatnaşyklar bölüminiň müdiriŞemşat Atajanowa bu ugurda ýurtda alnyp barylýan işleriň güýçlendirilmegini, zenan maşgalalara garşy ulanylýan zorluga köp pudaklaýyn jogap bermek ulgamyny öz içine alýan gender deňligi boýunça Milli hereket ediş meýilnamasyna laýyk gelýändigini belledi.
Maslahata gatnaşyjylar gender zorlugyna garşy göreşmekde sebit tejribesini hem garap geçirdiler. Hususan-da, BMGÖM-nyň Özbegistandaky edarasynyň halkara hünärmeni ýurduň degişli milli ulgamy döretmekdäki tejribesini paýlaşdy.
ORIENT news
Surat: BMGÖM-iň Türkmenistandaky edarasy tarapyndan berildi
