Sankt-Peterburg 2023-nji ýylda GDA-nyň medeni paýtagty bolar
Sankt-Peterburg şäheri 2023-nji ýylda GDA-nyň medeni paýtagty bolar. Bu dereje Russiýanyň demirgazyk paýtagtyna 2022-nji ýylda oňa eýe bolan Gyrgyzystanyň Karakol şäherinden geçer.
– Tanyşdyryş dabarasy GDA ýurtlaryndan 200-den gowrak wekili ýygnan Arkalaşygyň agza döwletleriniň döredijilik we ylmy intelligensiýasynyň XV forumynda geçirildi – diýip, TASS habar berýär.
“Russiýanyň medeni paýtagty bolan Demirgazyk Palmira üçin geljek ýyl tutuş GDA-nyň medeni paýtagty bolmak – uly buýsanç. Sankt-Peterburg turuwbaşdan hemmeler üçin açyk şäher" - diýip, Sankt-Peterburgyň Medeniýet komitetiniň başlygy Stanislaw Moldowanow aýtdy.
Arkalaşygyň şäherlerinden her ýyl biri GDA-nyň medeni paýtagty diýen hormatly derejä eýe bolýar. Nobatdaky paýtagty Arkalaşygyň agza ýurtlarynyň döwlet baştutanlarynyň geňeşi tassyklaýar. Bu maksatnama birleşigiň agza döwletleriniň ynsanperwer hyzmatdaşlygy döwletara gaznasynyň ýardamy bilen amala aşyrylýar.
2012-nji ýylda Türkmenistanyň Mary şäheriniň GDA-nyň medeni paýtagty diýlip yglan edilendigini we 2016-njy ýylda bu derejäniň ýurduň demirgazyk sebitiniň dolandyryş merkezi – Daşoguz şäherine berilendigini ýatladýarys.
ORIENT news
