Minskde geçirilen Dünýä kubogy ugrundaky ýaryşda türkmen taekwondoçylary 2 altyn, 3 kümüş we 4 bürünç medala mynasyp boldular
Dekabr 13, 2022 | 11:00 |9200
9-11-nji dekabr aralygynda Belarus Respublikasynyň Minsk şäherinde möwsümiň iň iri we jemleýji ýaryşy – GDA-nyň açyk Kubogy – ITF görnüşinde taekwondo boýunça Dünýä kubogy geçirilýär.
Ýaryşlara dünýäniň 6 ýurdundan we Russiýanyň sebitlerinden 60 toparyň düzüminde jemi 948 türgen gatnaşýar. Türkmenistandan 13 türgen, şol sanda bir gyz çykyş edýär.
– Iki ýaryş gününiň netijeleri boýunça türkmen ýygyndy topary 2 altyn, 3 kümüş we 4 bürünç medala mynasyp boldy – diýip, Minskden ITF taekwondo Milli federasiýasynyň wekilleri ORIENT-e habar berdiler.
ORIENT news
