Serdar Berdimuhamedow «Türkmenistanyň ussat diplomaty» nyşany bilen sylaglandy
Tapawutlandyryş nyşanynyň anna güni geçirilen gowşurylyş dabarasyna Türkmenistanyň Milli Geňeşiniň Halk Maslahatynyň we Mejlisiniň ýolbaşçylary, Hökümet agzalary, harby we hukuk goraýjy edaralarynyň ýolbaşçylary gatnaşdylar.
Türkmenistanyň Milli Geňeşiniň Mejlisiniň Karary bilen Türkmen lideri ýurdumyzyň diplomatik gullugynyň işini kämilleşdirmekde bitiren aýratyn hyzmatlary üçin tapawutlandyryş nyşany bilen sylaglandy. Prezidentiň Watanymyzyň Garaşsyzlygyny we hemişelik Bitaraplygyny pugtalandyrmaga, onuň halkara bileleşikde belent abraýyny berkitmäge goşan ägirt şahsy goşandy bellenildi.
Türkmenistanyň Prezidenti Serdar Berdimuhamedow bu sylagy minnetdarlyk bilen kabul edip, ony Bitarap Watanymyzyň gülläp ösmeginiň bähbidine bilelikdäki agzybirlikli işe berlen ýokary baha hökmünde kabul edýändigini aýtdy.
Türkmenistanyň Prezidentiniň Kararyna laýyklykda, “Türkmenistanyň ussat diplomaty” diýen tapawutlandyryş nyşany bilen Ministrler Kabinetiniň Başlygynyň orunbasary, daşary işler ministri Raşid Meredow sylaglandy.
ORIENT news
