Türkmenistan türki halklar bilen hyzmatdaşlygy çuňlaşdyrmagy dowam etdirýär
Prezident Serdar Berdimuhamedow Türkmenistan bilen energiýa, ulag we aragatnaşyk pudagy hem-de söwda ýaly strategiki ugurlarda tagallalary utgaşdyrmaga mydama taýýar bolan Türki döwletleriň guramasy bilen hyzmatdaşlygyň geljegini kesgitledi.
Muny Türkmenistanyň Döwlet baştutany Türki döwletleriň guramasynyň Baş sekretary wezipesine täze saýlanan Kurbanyçbek Ömüraliýew bilen bolan duşuşygynyň dowamynda belledi. Bu barada TDH agentligi habar berýär.
Hyzmatdaşlygyň düzüm bölekleriniň biri bilim, ylym we medeniýet pudagynda degişli maksatnamalaryň we taslamalaryň durmuşa geçirilmegi özara bähbitli hyzmatdaşlygy üstünlikli ösdürmäge hyzmat etjek ynsanperwer ugur boldy.
Gepleşikleriň jemleri boýunça taraplar Türkmenistan bilen Türki döwletleriň guramasynyň arasyndaky gatnaşyklaryň doganlyk halklaryň umumy bähbidiniň hatyrasyna üstünlikli ösdüriljekdigini bellediler.
ORIENT news
Surat: turksam.org
