MHG-niň sebitleýin utgaşdyryjysy gurama bilen Türkmenistanyň arasyndaky hyzmatdaşlygyň geljegini ara alyp maslahatlaşdy
Migrasiýa baradaky halkara guramanyň Merkezi Aziýa boýunça sebitleýin utgaşdyryjysy Zeýnal Gajiýew Türkmenistan bilen hyzmatdaşlygy giňeltmäge gyzyklanma bildirdi. Sebitleýin wekil bu barada Türkmenistanyň Döwlet migrasiýa gullugynyň başlygy Nazar Atagaraýew bilen bolan duşuşygynda nygtady. Bu barada Türkmenistanyň Döwlet migrasiýa gullugynyň resmi web saýty habar berýär.
Sebitleýin wekil ýurtda migrasiýa kanunçylygynyň we migrasiýa dolandyryşy boýunça halkara standartlarynyň durmuşa geçirilmegine ýokary baha berdi.
Şeýle hem halkara migrasiýa pudagynda, şol sanda Migrasiýa boýunça Bütindünýä Dialogynyň çäginde Türkmenistan bilen özara gatnaşyklaryň mümkinçiliklerine ünsi çekdi. Bu dünýäniň ähli ýurtlarynyň halkara migrasiýasy bilen baglanyşykly ähli meseleleri ara alyp maslahatlaşmaga we bu ugurda iň oňat pikirleri we özara tejribe alyşmaga mümkinçilik berýän maslahat beriji edaradyr.
ORIENT news
Surat:
