Türkmenistan BMG-niň Tertipnamasyny dünýä jemgyýetçiligi üçin Konstitusiýa hökmünde hasaplaýar
Türkmenistanyň Ministrler Kabinetiniň başlygynyň orunbasary, ýurduň daşary işler ministri Raşid Meredow «Dialog – parahatçylygyň kepili» atly maslahatynda BMG-niň ornuny tutup biljek başga halkara guramasynyň ýokdugyny belledi. Bu barada TASS agentligi habar berýär.
«Häzirki wagtda BMG-niň işini çalşyp biljek başga bir halkara gurluş ýok. BMG-niň Tertipnamasy häzirki wagtda dünýä jemgyýetçiliginiň Konstitusiýasydyr. 70 ýyl mundan ozal kabul edilen parahatçylyk, hyzmatdaşlyk we halkara gatnaşyklarynda hormat goýmak gymmatlyklary häzirki zaman dünýäsi üçin häzirem möhüm ähmiýete eýedir. Biz BMG-niň parahatçylygy we gepleşikleri alyp barmakdaky esasy ornuna berk ynanýarys» - diýip, ministr belledi.
Türkmenistanyň Daşary işler ministri diňe hyzmatdaşlygyň, ynanyşmagyň we bilelikdäki tagallalaryň üsti bilen ýurtlaryň geljek nesiller üçin asuda we öňdengörüjilikli geljegi kepillendirip boljakdygyny nygtady. Bu nukdaýnazardan Türkmenistan, BMG-ni dünýä jemgyýetçiligi üçin iň gymmatly üstünlik hasaplaýar.
«Dialog – parahatçylygyň kepili» atly halkara maslahaty ýekşenbe güni Türkmenistanyň bitaraplygynyň 27 ýyllygynyň öňüsyrasynda geçirildi.
ORIENT news
