Özbegistanyň işewürlero türkmen antifrizini satyn almaga gyzyklanma bildirdiler
Özbek telekeçileri antifriz öndürýän «Begenç» türkmen hususy kärhanasy bilen önümi Özbegistana eksport etmek barada gepleşikleri alyp barýar diýip, Türkmenistanyň Senagatçylar we telekeçiler birleşmesiniň (TSTB) metbugat gullugy habar berýär.
Antifriz pes temperaturalarda doňmaýan suwuklyk bolup awtomobil önümçiliginde hem-de ulag serişdelerini dolandyryjylar tarapyndan ulanylýar. Türkmen hususy kärhanasy isleg bildirilýän bu önümi 2018-nji ýyldan bäri öndürýär we onuň önümçiliginde ýerli hem-de daşary ýurt çig malyny peýdalanaýar.
Suwuklyk 1, 3, 5, 20 we 230 kg. göwrümli gaplara gaplanylýar. «Garjagaz» we «Atlantik» söwda nyşanlary astynda öndürilýän türkmen antifrizi diňe bir awtoulaglar üçin däl, eýsem nebitgaz senagatynda hem ulanylýar.
“Begenç” HK Mary welaýatynyň Wekilbazar etrabynda ýerleşýär. Önümçilik bölümi Hytaýyň we Eýranyň enjamlary bilen enjamlaşdyrylandyr hem-de bir gije-gündizde 150 tonna çenli önüm öndürmäge mümkinçlik berýär.
Doňmaýan suwuklygyň önümçiliginden başga-da, “Ak guw” söwda nyşany astynda kärhana ýuwujy, agardyjy serişdleri, suwuk sabyn we saç ýuwujy, şeýle hem zyýansyzlandyryjy serişdeleri öndürýär diýlip, TSTB-niň metbugat beýanatynda aýdylýar.
ORIENT news
