Gurbanguly Berdimuhamedow Fransiýa iş sapary bilen baryp görmegi meýilleşdirýär

Dekabr 10, 2022 | 18:27 |19175

Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow Fransiýanyň Senatynyň başlygy Gerard Larçeriň Fransiýa Respublikasyna sapar bilen gelmek baradaky ýörite çakylygyny kabul etdi. Bu barada TDH agentligi habar berýär.

Çakylygy Türkmenistanyň Milli Geňeşiniň Halk Maslahatynyň Başlygy bilen bolan duşuşygynda, Fransiýanyň Senatynyň «Fransiýa-Merkezi Aziýa» parlamentara dostluk toparynyň başlygy Erwe Moreý ýetirdi.

Gurbanguly Berdimuhamedow bu saparyň iki ýurduň arasyndaky gatnaşyklary has-da pugtalandyrjakdygyny nygtady.

ORIENT news
Surat: unsplash.com