Russiýaly alymlar tarapyndan pişiklere allergiýadan sanjym işlenip düzüldi
Derman dünýäde deňsiz-taýsyz bolup, ol howpsuzdyr we pişik allergenleriniň ähline netijeli täsir edýär. Bu dermany Seçenow adyndaky uniwersitetiň alymlar topary Wenanyň lukmançylyk uniwersitetiniň bilermenleri bilen bilelikde oýlap tapdylar we işläp taýýarladylar – diýip, Russiýanyň KHBS, Seçenow adyndaky uniwersitetiň maglumat gullugyna salgylanyp, ýazýar.
Derman eýýäm klinikadan ozalky barlaglardan üstünlikli geçdi. Geljek ýyl hünärmenler kliniki we toksikologiki synaglara başlarlar, şondan soň sanjym resmi taýdan hasaba alynar.
Häzirki wagtda dünýäde uly ýaşly ilatyň azyndan 30%-i pişiklere bolan allergiýadan ejir çekýär. Kliniki taýdan ol burun dykylmagy, üsgülewük, dem almakda kynçylyk çekmek, gözleriň ýaşarmagy, käwagt endamyňda gijilewük, guraklyk we düwürtik örmegi ýaly görnüşlerde ýüze çykýar.
ORIENT news
