FIFA Katarda geçýän dünýä çempionatynyň ýarym final we final duşuşyklarynda oýnaljak resmi pökgini görkezdi
Halkara futbol federasiýasy (FIFA) resmi saýtynda Katarda geçýän dünýä çempionatynyň ýarym final hem-de final duşuşyklarynda oýnaljak pökgini görkezdi. Pökgä Al Hilm diýen at berildi, ol arap dilinden terjime edilende “Arzuw” diýmegi aňladýar. Ýaryşyň toparçalardaky tapgyrynda, şeýle hem utulan çykdy tapgyrynyň ilkinji iki duşuşyklarynda Al Rihla (“Syýahat”) atly pökgi ulanyldy.
Al Hilm Dohany gurşap alýan uly çöller, inçe üçburçluk nagyş çekilen teksturlanan altyn esasly reňkde ýerine ýetirilendir.
Pökgide Al Rihladaky ýaly degişli tehnologiýa ulanylar, onda pökgini uran pursadynda oýunçynyň ýerleşýän ýerini yzarlaýan hereket datçigi bar. Ol stadionda gurnalan tehnologiýa bilen bilelikde ulanylýar, şol tehnologiýa pökginiň hem-de oýunçylaryň hereketini we ýagdaýyny yzarlaýar.
Ol 2018-nji ýylda FIFA tarapyndan futbol boýunça Russiýada geçirilen dünýä çempionatynda peýdalanylan VAR (Video Assistant Referee) ulgamynyň kämilleşdirilen görnüşidir. VAR-yň köne görnüşine oýundan daşary ýagdaýy kesgitlemek üçin 70 sekunt gerek bolýardy. Indi bolsa bary-ýogy sekundyň içinde kesgitläp bolýar.
Ýarym final duşuşyklarynda argentinalylar horwatiýalylar bilen (13-nji dekabrda), fransiýalylar bolsa marokkolylar bilen (14-nji dekabrda) oýnarlar. Final duşuşyk 18-nji dekabrda geçiriler.
ORIENT news
