Aşgabatda rus kinosy we animasiýa hepdeligi geçiriler
Dekabr 12, 2022 | 03:44 |4857
Aşgabatda 12-16-njy dekabr aralygynda Rus kinosy we animasiýa hepdeligi geçiriler. Russiýanyň Türkmenistandaky ilçihanasy bu medeni çäräniň guramaçysy bolup çykyş edýär.
Türkmen tomaşaçylary Russiýa Federasiýasynyň kinostudiýalarynda surata düşürilen kinolara we multfilmlere Rus öýünde, şeýle hem “Berkarar” we “Aşgabat” kinoteatrlarynda tomaşa edip bilerler. Olaryň soňkusynda 12-nji dekabrda Kino hepdeliginiň açylyş dabarasy bolar. Dabara 11:45-de başlanýar.
Russiýa Federasiýasynyň Ilçihanasy ähli görkezilişlere girişiň mugtdygyny habar berýär. “Berkarar” kinoteatrynda görkezilişe çakylyk biletlerini kassada 9-njy dekabrdan alyp bilersiňiz.
ORIENT news
