Meşhur rus teatr režissýory Aşgabatda Medeniýet institutynyň talyplary üçin ussatlyk sapagyny geçýär
Nikolaý Skorik – Moskwanyň döwlet medeniýet institutynyň esasy terbiýeçileriniň biridir, “N.L.Skorikiň ussahanasynyň” çeper ýolbaşçysy hem-de A.P.Çehow adyndaky Moskwa ÇeperTeatriniň (MÇT) režissýory şu günler Türkmen Döwlet Medeniýet Instutynda ussatlyk sapagyny geçýär diýip, Rus hyzmatdaşlygynyň Türkmenistandaky wekilhanasy habar berýär.
Türkmen talyplary bilen geçirilýän sapaklarda Skorik talyplaryň geljekki hünärlerinde zerur boljak örän möhüm ugurlara degip geçýär. Şol ugurlar aktýorçylyk ussatlygynyň we režissuranyň esaslary, döredijilik işiniň syrlary, duýgy taýdan düýpli täsir etmegiň meseleleri we ençeme beýlekilerdir.
Rus režissýory olary rus teatrynyň iň oňat däpleri bilen tanyşdyrýar. Ol wideoşekiller boýunça MÇT-yň artistleriniň taýýarlyk görüşlerine giňişleýin seljerme berýär hem-de türkmen talyplary bilen “Çarlak” we “Üç uýa” ýaly meşhur spektakllardan sahnalary goýmaga synanyşýar.
Döredijilik taslamasyny RF-niň ilçihanasy hem-de Türkmenistanyň Medeniýet ministrligi bilen bilelikde, Aşgabatdaky Rus öýi gurady.
ORIENT news
