«Palo Alto Networks» kompaniýasy kiberhowpsuzlyk pudagynda Türkmenistan bilen özara hyzmatdaşlygy alyp barmaga gyzyklanma bildirýär
Kiberhowpsuzlyk pudagynda öňdebaryjy kompaniýalaryň biri bolan Amerikanyň Birleşen Ştatlarynyň «Palo Alto Networks» kompaniýasy — ýakynda Aşgabatda geçirilen Türkmen-amerikan işewürlik forumynda Türkmenistan bilen degişli ugurda hyzmatdaşlyk etmäge gyzyklanma bildirdi. Bu barada ORIENT-iň habarçysy habar berýär.
Kompaniýa dünýädäki müşderileriň sanly gurşawyny üpjün etmek üçin innowasion çözgütleri ulanýar. Türkmenistan üçin bu 2021-2025-nji ýyllar aralygynda ýurtda sanly ykdysadyýeti ösdürmek we elektron hökümet ulgamyny ornaşdyrmak boýunça döwlet maksatnamasynyň durmuşa geçirilmegi bilen baglanyşyklydyr.
Edara binasy Kaliforniýanyň Santa Klara şäherinde ýerleşýän «Palo Alto Networks» kompaniýasy torlaryň arasyndaky ekranlary we bulut çözgütlerini işläp taýýarlamak bilen meşgullanmak bilen, 2005-nji ýyldan bäri halkara bazarynda işläp gelýär. Häzirki wagtda kompaniýa i dünýäniň 150 sany döwletden bolan müşderileriniň 70 müňden gowragyna hyzmat edýär.
ORIENT news
Surat: consultantastrakhan.ru
