Aşgabatda Frenk Sinatranyň saýlanan eserleri ýerine ýetiriler
18-nji dekabrda Türkmenistanyň Döwlet medeniýetmerkeziniň Mukamlar köşgünde «Frenk Sinatra we onuň ähli eserleri!» atly konsert geçiriler. Maksatnama bir wagtlar ýokary ussatlygy we «mahmal» sesi bilen meşhur bolan amerikan aýdymçysynyň saýlanan eserlerini öz içine alar.
Sahnada sazandanyň millionlarça diňleýjiniň ýüregini gazanan «My way», «Strangers in the night», «New York, New York» we Nury Nuryýewiň, Meýlis Garaýewiň we Döwran Şammyýewiň ýerine ýetirmeginde onuň beýleki meşhur kompozisiýalary ýaňlanar. Aýdymçylara instrumental we üflenip çalynýan toparlar sazandarlyk ederler.
«Köp tomaşaçylar Frenk Sinatranyň döredijiligine bagyşlap aýratyn konsert guramagymyzy haýyş etdiler. Sebäbi onuň ýerine ýetiren aýdymlary estradanyň nusgawy eserleriniň hataryna girdi. Frenk Sinatra aýdym-sazyň we stiliň etalony hasaplanýardy – diýip, konserte gatnaşyjylaryň biri, Türkmenistanyň at gazanan artisti Wladimir Mkrtumow aýtdy.
Şeýle hem aýdym-saz agşamynyň myhmanlary Maýkl Bubleniň, Jorj Maýklyň, Din Martiniň we başgalaryň eserlerini diňläp bilerler.
Gyzyklanmanyň artmagy sebäpli, gurnaýjylar bir günde iki konsert, ýagny sagat 17:00-da we 19:00-da geçirerler. Petekleri aşakdaky telefon belgilerinden sargyt edip bilersiňiz: (+993 12) 22-38-98, (+993 63) 46-71-77, (+993 64) 03-74-56.
ORIENT news
Surat: jazzpeople.ru
