Horwatiýa 2023-nji ýylyň 1-nji ýanwaryndan başlap, Şengen zolagyna girer
On ýyldan gowrak wagtdan soň, Şengen giňişligi ilkinji gezek giňeýär. 2023-nji ýylyň 1-nji ýanwaryndan başlap, Horwatiýa Şengen ylalaşygynyň agzasy bolar.
Ýewropa Bileleşiginiň ýurtlary Horwatiýanyň Şengen zolagyna goşulmagyny bir agyzdan goldadylar diýip, Respublikanyň premýer-ministri Andreý Plenkowiç özüniň internet sahypasynda habar berdi.
Ýewropa Parlamenti Horwatiýanyň Şengen giňişligine girmegini 10-njy noýabrda makullady. “Hawa” diýip, 534 ses berildi, agzalaryň 53-si garşy boldy, ýene-de 25-si – ses bermekden saklandylar. Ýewropa komissiýasynyň deputatlary Horwatiýanyň baryp 2021-nji ýylyň dekabrynda Şengen zolagyna girmek üçin zerur bolan şertleri ýerine ýetirendigini ýatlatdylar.
Häzirki wagtda Şengene 26 döwlet girýär: 22-si Ýewropa Bileleşiginiň döwletleri, şeýle hem Islandiýa, Norwegiýa, Şweýsariýa we Lihtenşteýndir.
ORIENT news
