Türkmenistanlylaryň 13-si Minskde Taekwondo boýunça dünýä Kubogy ugrundaky ýaryşda çykyş ederler

Dekabr 09, 2022 | 04:12 |9152

Çeşme:

Türkmenistanyň ýygyndy topary Minskde GDA-nyň Açyk Kubogyna – ITF görnüşinde taekwondo boýunça Dünýä kubogy-2022-ä gatnaşýar.

Abraýly ýaryşda Türkmenistandan 13 türgen, olaryň hatarynda bir gyz – Mary şäheriniň sport mekdebiniň mugallymy çykyş eder. Oglanlar bolsa, esasan, talyplar we ýokary synp okuwçylardyr. Türkmen türgenleriniň ýany bilen taekwondo Milli federasiýasynyň ýolbaşçysy Gaýgysyz Atabaýew, tälimçi Aýdogdy Atabaýew we emin Maksat Babaýew barýar.

Penşenbe güni agramyň çekmek çäreleri, eminleriň we tälimçileriň brifingi geçirildi, ýaryşlar bolsa anna güni 9-njy dekabrda başlanar we 11-nji dekabra çenli geçiriler.