Türkmenistan we Azerbaýjan energiýa üpjünçiliginiň Ýewropa bazaryna diwersifikasiýa edilmegini goldaýarlar
Türkmenistan we Azerbaýjan halkara bazarlaryna, esasan hem, Ýewropa ugrunda energiýa üpjünçiliginiň köp ugurly meýilnamasyny goldaýarlar. Bu barada Türkmen parlamentiniň ýokarky palatasynyň Başlygy Gurbanguly Berdimuhamedow Azerbaýjanly kärdeşi Sahiba Gafarowa bilen geçiren gepleşiginde aýtdy – diýip, TDH agentligi habar berýär.
Bu nukdaýnazardan, Türkmenistanyň Milli Geňeşiniň Halk Maslahatynyň ýolbaşçysy energiýa pudagyndaky döwletleriň arasyndaky ikitaraplaýyn hyzmatdaşlygyň we Lazurit geçelgesiniň üsti bilen ulag aragatnaşygyny ösdürmegiň möhümdigini belledi.
Azerbaýjanyň üsti bilen Ýewropa bazaryna türkmen energiýa çeşmeleriniň üpjünçiligini ýola goýmak sebitiň energiýa howpsuzlygyny üpjün etmekde ileri tutulýan meseleleriň biridir.
Ozal bilermenler Hazardaky Dostluk ýatagynyň özleşdirilmeginiň Türkmenistanyň tebigy gazynyň Azerbaýjanyň üsti bilen Ýewropadaky sarp edijilere ýetmegine mümkinçilik berýän Hazarüsti gaz geçiriji taslamasynyň başlangyjy bolup biljekdigini öňe sürdüler. 14-nji dekabrda Türkmenistan, Azerbaýjan we Türkiýäniň Baştutanlarynyň üç taraplaýyn sammitinde bu pudagy bilelikde ösdürmek barada ylalaşyga gol çekilmegine garaşylýar.
ORIENT news
Surat: «Altyn asyr» teleýaýlymy
