Merkezi Aziýada we GDA-da ygtyýarlandyrylan (lisenziýa berlen) ilkinji kripto dükany Özbegistanda açyldy
– Özbegistanda ygtyýarlandyrylan (lisenziýa brlen) ilkinji “CryptEx” atly kripto dükany açyldy we ol şular ýaly söwda nokatlarynyň Merkezi Aziýa we GDA boýunça ilkinjisi boldy – diýip, Özmegistanyň KHBS ýazýarlar.
Ozal Özbegistanyň Perspektiwaly taslamalar boýunça milli agentligi kripto dükanlarynyň işini guramak üçin birnäçe düzgüni tassyklady. Bu namalar respublikada hemişelik esasda ýaşaýanlaryň we ýurduň daşary ýurtlarda ýaşaýan raýatlarynyň kripto aktiwlerini satyn almak we satmak amallarynyň ýeňilleşdirilen elýeterligini kadalaşdyrmaga gönükdirilendir. Şu ýylyň noýabr aýynda Agentlik Özbegistanda kripto dükanlarynyň işlemegine ilkinji ygtyýarnamalary berdi.
Şeýle söwda nokatlary raýatlara kripto aktiwlerini satyn almagy ýa-da satmagy aňsatlaşdyrmak üçin niýetlenendir - söwda nokatlarynda müşderileri hökmany kesgitlemek, adaty kagyz banknotlaryny elektron pul we nagt däl tölegler arkaly satmak we satyn almak şertnamasyny baglaşmak işi ýola goýlar. Iň esasy zat, amal müşderilere doly howpsuzlygy kepillendirýär we sanly aktiwleri erkin ulanmaga mümkinçilik berýär.
Başlangyç etapda kripto dükany offlaýn görnüşde işlär. Hünärmenler we geňeşçiler giriş kursuny geçirmäge we isleg bildirýänleri sanly aktiw bazarynyň esasy ýörelgeleri bilen tanyşdyrmaga taýyn.
– Häzirki wagtda synagdan geçirilýän CryptEx elektron platformasyny ýakyn geljekde işe girizmek meýilleşdirilýär. Bu sanly aktiwleriň söwdasy üçin müşderileri awtomatlaşdyrylan gural bilen üpjün etmäge ýardam berer – diýlip maglumat habarlarynda ýazylýar.
ORIENT news
