«Ahal» ilkinji gezek futbol boýunçaTürkmenistanyň çempiony boldy
«Ahal» FK öz taryhynda ilkinji gezek futbol boýunçaTürkmenistanyň çempiony boldy. Milli çempionatyň 25-nji tapgyrynyň oýnunda Mergen Orazowyňtürgenleri Türkmenbaşynyň «Şagadam» toparyny 4:2 hasaby bilen ýeňdi – diýip, Türkmenistanyň futbol federasiýasynyň saýty habar berýär.
Şeýlelikde, «Ahal» jemi 66 utuk toplap, çempionat tamamlanmanka ýurduň çempiony boldy. Duşuşykda Didar Durdyýew, Ata Geldiýew we Arslan Amanow garşydaşlarynyň derwezesinden gol geçirmegi başardylar. Iň soňky agzalan oýunçy garşydaşyň derwezesine pökgini goşmaça wagtda geçirdi.
Ýer eýelerinden bolsa Mekan Aşyrow iki pökgi geçirmegi başardy.
Çempionatyň ikinji basgançagyny 52 utuk toplan «Altyn Asyr» FK-sy eýeleýär. Üçünji orunda 40 utuk bilen «Merw» topary ýerleşdi.
Türkmenistanyň çempionatyna 8 topar gatnaşýar. Milli çempionatyň 26-njy tapgyrynyň oýunlary 14-nji dekabrda geçiriler. Türkmenistanyň futbol boýunça çempionaty jemi 28 tapgyrdan ybarat.
ORIENT news
Surat: Türkmenistanyň futbol Federasiýasy
