TDHÇM-daky söwdalaşyklar: daşary ýurda dizel ýangyjy eksport edildi, içerki bazarda bolsa nebit ýol bitumy satyldy
Duşenbe güni 5-nji dekabrda Türkmenistanyň Döwlet haryt we çig mal biržasynyň söwdalaşyklarynda jemi bahasy 63,5 müň amerikan dollary we 48,7 million TMT bolan 25 geleşik baglaşyldy.
Birleşen Arap Emirliklerinden gelen telekeçi bahasy 63,5 müň amerikan dollary bolan 70 tonna TS-1 kysymly uçar kerosinini satyn aldy. Önümiň her tonnasyna 908,50 amerikan dollary teklip edildi.
Içerki bazarda ýerli telekeçiler bahasy 48 million TMT bolan 24 müň tonna BND 60/90 kysymly nebit ýoly bitumyny satyn aldylar. Önümiň her tonnasynyň bahasy 2 müň TMT diýlip kesgitlenildi.
Şeýle hem türkmen telekeçileri söwdalaşyklarda bahasy 710 müň TMT-den hem ýokary bolan türkmen el halylaryny satyn aldylar.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT news
Surat: redaksiýanyň arhiwinden
