Türkmenistanyň Mejlisi 2023-nji ýyl üçin döwlet býujeti hakynda kanun taslamasyny tassyklady
Türkmenistanyň Milli Geňeşiniň iki palatasy hem Halk Maslahatynyň (parlamentiň ýokarky palatasynyň) başlygy Gurbanguly Berdimuhamedowyň tekliplerini we maslahatlaryny göz öňünde tutup, gaýtadan taýýarlanylan «2023-nji ýyl üçin Türkmenistanyň döwlet býujeti hakynda» kanun taslamasyny tassyklady.
Bu barada TDH agentligi ýurduň milli kanun çykaryjy edarasynyň palatalarynyň hökümetiň käbir agzalary bilen bilelikdäki mejlisinden soň habar berdi.
Döwletiň maliýe we ykdysadyýet ulgamyna gözegçilik edýän wise-premýer Hojamyrat Geldimyradow döwlet býujetiniň her pudak üçin girdeji we çykdajy maddalary boýunça giňişleýin maglumatlary habar berip, çykyş etdi we serişdeleriň esasy böleginiň durmuş ulgamyna gönükdirilýändigini nygtady.
Döwlet býujetiniň kabul edilmegine biragyzdan ses beren maslahata gatnaşyjylar resminamanyň ykdysady strategiýadan ugur alnyp taýýarlanylandygyny we öz mazmuny boýunça giň gerimli döwlet maksatnamalaryndan ugur alýandygyny we halkyň bähbitlerine hyzmat etmäge gönükdirilendigini beýan etdiler. Bellenilişi ýaly, kanunyň teksti Türkmenistanyň býujet ulgamynda özgertmeleri amala aşyrmak boýunça 2022 — 2028-nji ýyllar döwür üçin çäreleriň Meýilnamasyna laýyklykda taýýarlandy.
ORIENT portaly ozal Türkmenistanyň parlamentiniň ýokarky palatasynyň gaýtadan garamaga yzyna berendigi barada habar beripdi. Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň teklibi bilen «Türkmenistanyň 2023-nji ýyl üçin döwlet býujeti baradaky» kanun taslamasyny aşaky palata gaýtadan garamak üçin yzyna berlipdi.
ORIENT news
Surat: mir-klimata.info
