Özbegistan ykjam telefonlaryň eksportyny artdyrdy: aljylaryň öňdebaryjysy -- Russiýa
Özbegistan ýanwar-oktýabr aýlarynda ykjam telefonlaryň eksportyny 1,7 esse – 25 müňe çenli artdyrdy, şu görkezijide Russiýanyň eýeleýän paýy 70%-e barabardyr diýip, respublikanyň statistika baradaky döwlet komiteti habar berýär.
“2022-nji ýylyň ýanwar-oktýabrynda Özbegistan ykjam telefonlaryň bahasy 5 million dollara barabar bolan 25 029 sanysyny eksport etdi” diýlip, döwlet komitetiniň Telegram-ýaýlymynyň habarynda aýdylýar..
Statistika edarasynyň maglumatlaryna görä, Özbegistandan ykjam telefonlary import ediji ýurtlaryň arasynda Russiýa – 16,8 müň birlik ýa-da respublikanyň ähli eksportynyň 67% bilen birinji orny eýeleýär. Özbegistanda ýygnalyp taýýarlanylan ykjam telefonlary esasy alyjy üç ýurduň hataryna, şeýle hem Ukraina (5,3 müň birlik) we Gazagystan (2,9 müň birlik) girdiler.
Özbegistanda ykjam telefonlary ýygnap taýýarlamaklyk 2012-nji ýylda işe girizildi.
ORIENT news
