Türkmenistan bilen Eýran serhetýaka bazarlarynyň ýene ikisini döretmek meselesini ara alyp maslahatlaşarlar
Ýakyn geljekde Türkmen-eýran toparynyň 17-nji mejlisinde ara alnyp maslahatlaşyljak möhüm meseleleriň biri Sarahsda we Lotfabadda serhetýaka bazarlaryny döretmek baradaky ylalaşyk bolar. Bu barada şenbe güni Eýranyň Harasan Rezawi welaýatynyň dolandyryş merkezinde geçirilen metbugat maslahatynda gürrüň edildi.
ISNA-nyň habar bermegine görä, metbugat maslahatynda üç serhet terminaly - Dogaron (Owganystan bilen), Sarahs we Lotfabad (Türkmenistan bilen) arkaly import, eksport we üstaşyr ýük gatnawlaryny goşmak bilen, awtoulag arkaly ýük daşalyşynyň göwrüminiň ýylyň başyndan bäri 13% artandygy bellendi. Ulag gatnawlarynyň iň ýokary ösüşi Artyk-Lotfabad geçelgesinde hasaba alynýar.
Şeýle hem, metbugat maslahatynda türkmen-eýran serhedindäki Gaudan-Bajygyran bilelikdäki bazarynyň gaýtadan işe başlaly bäri üç aýyň içinde takmynan, 800 müň dollarlyk söwda edilendigi bellenilýär.
ORIENT news
