Türkmenistan iri maýa goýum taslamalaryny durmuşa geçirmek üçin Koreýadan karz serişdelerini ulanar
Türkmenistan Koreýa Respublikasynyň öňdebaryjy kompaniýalarynyň gatnaşmagynda birnäçe iri maýa goýum taslamalaryny durmuşa geçirmek maksady bilen, Koreýanyň eksport-import bankyndan (KEXIM) karz serişdelerini aldy.
Bu barada hökümetiň ykdysadyýet we maliýe meselelerine jogapkär wise-premýer Hojamyrat Geldimyradow anna güni geçirilen Ministrler Kabinetiniň mejlisinde mälim etdi – diýip, TDH agentligi habar berýär.
Prezident Serdar Berdimuhamedow halkara maliýe guramalary, hususan-da, Koreýanyň maliýe guramalary bilen netijeli işleşmek üçin Türkmen-koreý hökümetara toparynyň türkmen düzüminiň tassyklanmagy hakyndaky karara gol çekdi.
Bu resminama amala aşyrylmagy meýilleşdirilýän maýa goýum taslamalaryny kesgitlemäge, daşary ýurt maýa goýumlaryny we karz serişdelerini çekmek boýunça işleri işjeňleşdirmäge, şeýle hem ikitaraplaýyn hyzmatdaşlygy mundan beýläk-de ösdürmäge gönükdirilendir.
ORIENT news
Surat: ccw.theasset.com
