Aziýanyň Olimpiýa Geňeşiniň (AOG) 2023-nji ýylda geçiriljek Aziýa oýunlaryny ara alyp maslahatlaşýan Er-Riýaddaky forumyna Türkmenistan hem gatnaşýar
Aziýanyň Olimpiýa Geňeşi (AOG) ýekşenbe güni Er-Riýadda AOG/Olimpiýa raýdaşlygy sebit forumynda yklymyň bäş zolagyndan Milli Olimpiýa komitetleriniň (MOK) 44-üsini jemledi. Türkmenistanyň hem Milli olimpiýa komitetiniň wekiliniň gatnaşýan bu çäresi 7-nji dekabra çenli dowam eder.
Aziýanyň Olimpiýa Geňeşiniň (AOG) Aziýa oýunlary müdirliginiň baştutany Haýder Farmanyň sözlerine görä, dört gün dowam etjek maslahat MOK-niň wekilleri üçin özara gyzyklanýan meseleleri, hususan-da 2023-nji ýylda AOG-niň iki sany multisport oýunlaryna – 23-nji sentýabrdan 8-nji oktýabr aralygynda Hytaýyň Hançžou şäherinde geçiriljek 19-njy Aziýa oýunlaryna we 17-nji noýabrdan 26-njy noýabr aralygynda Bangkokda we Taýlandyň Çonburi welaýatynda geçiriljek Ýapyk binalarda we söweş sungaty boýunça VI Aziýa oýunlaryna (AIMAG) görülýän taýýarlyk işleri barada pikir alyşmaga ajaýyp meýdança bolup hyzmat eder.
Şeýle hem, forum Aziýanyň Tokioda tomusky Olimpiýa oýunlaryny geçirmek hormatyna eýe bolandygyny göz öňünde tutup, 2024-nji ýylda Parižde geçiriljek Olimpiýa oýunlaryna taýýarlyk meselelerinde hem ýardamçy bolar.
ORIENT news
