Hazaryň kenarynda Dagystanda 700-e golaý ölen düwlenler tapyldy
Dagystanda Hazar deňziniň kenarynda 700-e golaý ölen düwlenler tapyldy. Olar Mahaçkala şäheriniň Kirowsk etrabynda, Nebitbazasyndan Sulak derýasynyň agzyna çenli bölekde ýüze çykaryldy diýip, Rusbalykçylygynyň Demirgazyk-Kawkaz çäk müdirliginiň metbugat gullygy habar berýär.
Edarada gürrüň berişleri ýaly, olaryň sany artyp biler. Ýerli hünärmenler tutuş respublikanyň çäklerinde deňiz ýakalarynda barlag geçirmegi dowam edýärler, maglumatlary ýygnaýarlar, şol sanda barlaghana işlerini geçirýärler. Düwlenleriň ölmeginiň sebabi heniz anyklanylmady.
Noýabryň başynda Gazagystanda Hazaryň kenarýakasynda 130-dan gowrak seýrek duşýan Hazar nerpleriniň üstünden barlandygyny ýatlap geçmek gerek. Şoňa çenli düwlenleriň köpçülikleýin ölmegi 2021-nji ýylda bolup geçdi – şonda bu aýratyn jandarlaryň 150-den gowragy tapyldy.
Hazar düwlenleri Gyzyl kitaba girizilendir.
ORIENT news
