Türkmenistanda şalynyň hasyly ýygnalýar
Çogdumlarynda dänesi bişende, ýygym başlanýar – onda ýetişen sümmülleriň 85-90% jemlenmelidir. Bu bolsa däne gabaklarynyň reňkinden görünýär. Türkmenistanda şaly hasylynyň ýygymy tamamlanyp barýar, häzir eýýäm tüwniň 82,5 müň tonna golaýy ýygnaldy diýip, ýurduň Oba hojalyk ministrliginde habar berdiler.
Şaly, däp boýunça esasan, demirgazyk sebitiň meýdanlarynda ýetişdirilýär – Daşoguz welaýatynyň ýöriteleşdirilen hojalyklary Türkmenistanyň köp bölegini bu däne bilen üpjün edýär. Hasyl ýygnalyp başlanmazdan öňürti, aralaryndan ýygyjy tehnikalaryň geçip bilmegi üçin şaly ýetişdirilen hatarlar guradylýar.
Galla aprelde ekilýär, toprak bolsa ýaz aýyna çenli dynç almagy üçin hasyl ýygnalyp alnandan soň, dessine işlenilýär hem-de indiki ekişe taýýarlanylýar. Daşoguz tüwisi ýurtda iň görnüklisi bolup, öý bikeleri degişli tagam taýýarlanlarynda, esasan, şoňa aýratyn üns berýärler. Ol taýýarlanylanda akyp bişmeýär. Ondan taýýarlanylan palaw bolsa seçelenip duran hem-de örän tagamly bolýar. Şaly meýdanlardan getirilen badyna dessine işlenilýär – ony guradýarlar we arassalaýjy tehnikalardan geçirýärler. Şaly ýokary biohimiýa işjeňligi bilen tapawutlanýar hem-de ýörite ammarlarda 15% pes bolan çyglylykda saklanylýar.
ORIENT news
