Türkmenistanyň Telewideniýe, radiogepleşikler we kinomatografiýa baradaky döwlet komitetiniň «Mahabat» müdirligi çagalar üçin multimediýa žurnallaryny çap edip başlady
Türkmenistanyň Telewideniýe, radiogepleşikler we kinomatografiýa baradaky döwlet komitetiniň «Mahabat» müdirligi çagalara niýetlenip neşir edilen gadžetler arkaly özara baglanyşygyň bolmagy üçin interaktiw bölekli žurnallaryny çap edip başlady.
Žurnallarda multfilmi ýüklemek we tomaşa etmek, şeýle hem neşiriň wideosyny görmek ýa-da sesini diňlemek üçin ýörite QR kody bar. Mundan başga-da,žurnalyň kömegi bilen Android gurluşlary üçin çagaoýunlaryny ýükläp bilersiňiz.
Häzirki wagta žurnallaryň üç sany, ýagny tematiki, akyl derejesini barlamak üçin soragly, şeýle hem çagalarda logiki pikirlenmäni ösdürmek üçingörnüşleri neşir edilýär.
Ýurdumyzyň söwda nokatlarynda we onlaýn-platformalarynda eýýäm «Sagdyn nesil» we «Tebigaty goralyň» ýaly tematiki žurnallar elýeterlidir.
Neşirler çagalaryň arasynda uly meşhurlyga eýe bolan milli multfilmleriň gahrymanlarynyň şekilleri ulanylyp, taýýarlanandyr.
– Biziň maksadymyz çagalara milliligimize, gymmatlyklarymyza laýyk gelýän we şol bir wagtyň özünde olaryň hemmetaraplaýyn ösmegini üpjün edýän žurnaly hödürlemekden ybaratdyr – diýip, «Mahabat»müdirliginiň ýolbaşçysy Röwşen Welmiýew belledi.
ORIENT news
Surat «Mahabat» müdirligi tarapyndan berildi
