Türkmenistan we ÝB ýaşlar syýasaty boýunça bilelikdäki taslamalary ara alyp maslahatlaşdylar
Ýaşlar syýasaty babatynda bilelikdäki taslamalaryň durmuşa geçirilmegi boýunça meseleler Ýewropa Birleşiginiň Türkmenistandaky ilçisi Diego Ruiz Alonsonyň Balkan welaýatyna saparynyň barşynda ara alnyp maslahatlaşyldy.
Diplomat ikitaraplaýyn hyzmatdaşlygyň geljegini ara alyp maslahatlaşmak üçin Türkmenbaşyda Magtymguly adyndaky Ýaşlar guramasynyň wekilleri bilen duşuşdy. Türkmen tarapy ÝB bilen bilelikdäki taslamalara, hususan-da, ýaşlaryň arasynda söwda we ulag meselelerini öz içine alýan okuwlaryň geçirilmegine gyzyklanma bildirdi.
Şeýle hem ilçi Türkmenbaşydaky halkara deňiz portuna baryp gördi. Ol deňiz duralgasynyň gurluşy we işi bilen tanşyp, Ýewropa ýurtlary bilen aragatnaşyk saklamagyň mümkinçiliklerine garady.
Saparyň dowamynda Diego Ruiz Alonso welaýatyň häkimi, Türkmenbaşy we Balkanabat şäherleriniň häkimleri, telekeçiler we jemgyýetçilik birleşikleriniň wekilleri bilen resmi duşuşyklary geçirdi.
Mundan başga-da diplomat, ozal ýewropaly arheologlaryň gazuw-agtaryş işlerini alyp baran Balkan welaýatynyň taryhy we medeni ýadygärliklerine, mysal üçin, Türkmenistanyň günorta-günbataryndaky esasy orta asyr oazisleriniň biri hasaplanýan Dehistana barypgördi.
Türkmenistan bilen ÝB arasynda diplomatik gatnaşyklaryň ýola goýulmagynyň 30 ýyllygy mynasybetli ilçiniň ýurdumyzyň ähli welaýatlarynasaparlarynyň guralmagy meýilleşdirilýär.
ORIENT news
Surat: change.org
