Türkmenistanyň hususy pudagy howanyň üýtgemegine uýgunlaşmaga goşulyşýar
Aşgabatda Türkmenistanyň hökümeti bilen hususy pudagyň we raýat jemgyýetiniň wekilleriniň arasynda howanyň üýtgemegine uýgunlaşmak boýunça ilkinji çärýekleýin gepleşikler geçirildi.
Duşuşykda Türkmenistanyň suw serişdelerini durnukly dolandyrmak boýunça milli syýasaty, suw serişdelerini dolandyrmak meselelerini sanly ýer kadastryndahasaba almak, şeýle hem oba hojalyk meýdanlaryndauzakdan we spektral gözegçilik boýunça akademiki derňewler ýaly möhüm meseleler ara alnyp maslahatlaşyldy. Bu nukdaýnazardan hususy kompaniýalar bu ugurda öz tejribesini paýlaşdylar.
Howanyň üýtgemegine uýgunlaşmak gyzyklanýan taraplaryň köpüsiniň utgaşdyrylan hereketlerini talap edýär. Hususy pudagyň subýektleri innowasiýa ulgamynda öňdebaryjy bolup, köplenç milli uýgunlaşma meýilnamalaşdyryş işiniň aýrylmaz bölegi hökmünde garalýar.
Gender we durmuş deňsizliginiň öňüni almak milli uýgunlaşma işiniň möhüm bölegi bolup durýar. Şonuň üçin kärhanalara uýgunlaşma çäreleri işlenip düzülende gender taýdan duýgur çemeleşmäni ulanmak maslahat berilýär.
Duşuşyk, Türkmenistanyň Oba hojalyk we daşky gurşawy goramak ministrligi we Birleşen Milletler Guramasynyň Ösüş Maksatnamasy tarapyndan Ýaşyl Howa gaznasynyň (ÝHG) maliýe goldawy bilen durmuşa geçirilýän «Türkmenistanda milli uýgunlaşma meýilnamalaşdyryş işini ösdürmek» taslamasynyň çäklerinde gurnaldy.
ORIENT news
Surat Birleşen Milletler Guramasynyň Ösüş Maksatnamasy tarapyndan berildi
